अवैध रेतीसाठा, पोकलॅन व दोन बोटी महसूल विभागाच्या अधिकाऱ्यांनी केला जप्त
चंद्रपूर:-
तालुक्यातील घुग्गुस येथील नाकोडा वाळू घाटावर बेकायदेशीर वाळू उत्खनन आणि साठवणुकीची माहिती मिळाल्यानंतर नायब तहसीलदार सचिन खंडाळे आणि मंडळ अधिकारी प्रकाश सुर्वे यांच्यासह अधिकाऱ्यांनी मध्यरात्री छापा टाकला.
छाप्यादरम्यान, मोठ्या प्रमाणात बेकायदेशीरपणे उत्खनन केलेले वाळूसाठा सापडला आणि एक पोक्लेन मशीन जप्त करण्यात आली.
कारवाईदरम्यान कोणीही मालकी हक्काचा दावा केला नसल्याने जप्त केलेले साहित्य "मालकविहीन" घोषित करण्यात आले
अधिकाऱ्यांनी नदीपात्रातून दोन बोटी आणि ३० ब्रास बेकायदेशीरपणे काढलेली वाळू जप्त केली.
नंतर, अधिकाऱ्यांनी एका पंप हाऊसजवळ रस्त्याच्या कडेला आणखी १०० ब्रास बेवारस वाळूचा साठा आणि एक पोक्लेन मशीन शोधून जप्त केली
जप्ती झाल्यानंतरही, जप्त केलेल्या वाळू, बोटी आणि पोक्लेन मशीनची मालकी अद्याप अज्ञात आहे, असे नायब तहसीलदार सचिन खंडाळे यांनी सांगितले.
तहसीलदार सचिन खंडाळे यांनी माहिती दिली कि सदर माल कुणाचा याबाबत माहिती मिळालेली नाही, सोबतच जप्त करण्यात आलेली पोकलेन मशीन कुणाची हे सुद्धा समजले नाही कारण मशीन वर नम्बर प्लेट नव्हता, पुढील कारवाई साठी प्रादेशिक परिवहन विभागाला याबाबत कळविण्यात आले आहे. प्रशासनाच्या वतीने घुग्गुस पोलीस स्टेशनमध्ये रीतसर तक्रार नोंदविण्यात आली आहे
सदरची यशस्वी कारवाई उपविभागीय अधिकारी चंद्रपूर संजय पवार, तहसीलदार विजय पवार चंद्रपूर यांच्या मार्गदर्शनाखाली नायब तहसीलदार डॉक्टर सचिन खंडाळे, प्रकाश सुर्वे मंडळ अधिकारी घुगुस , तलाठी मनोज कांबळे, तलाठी मनोज शेंडे, तलाठी नवनाथ गोडघासे, परशुराम पेंदोर कोतवाल, पोलीस पाटील प्रणय कांबळे नकोडा हे उपस्थित होते.
