गोजोलीच्या जंगलात आढळला एका इसमाचा मृतदेह
प्रविण तिवाडे कार्यकारी संपादक
गोंडपिपरी:-
तालुक्यातून एक खळबळजनक घटना समोर आली आहे. येथील मध्यचांदा वनविभागा अंतर्गत येत असलेल्या धाबा वनपरिक्षेत्रातिल कक्ष क्रमांक १५१ मध्ये एका ६५ वर्षीय इसमाचा मृतदेह आढळल्याने एकच खळबळ उडाली आहे..
गोंडपिपरी तालुक्यातील गोजोली येथील सुधाकर शेडमाके आज सकाळच्या सुमारास शेतात गेले होते. शेतीची पाहणी करून लगत असलेल्या जंगलात बांबू तोडत असताना अचानक त्याचा मृत्यू झाला. याचदरम्यान धाबा वन परिक्षेत्रातिल कक्ष क्रमांक १५१ मध्ये वनअधिकारी गस्तीवर असतांना त्यांना एका इसमाचा मृतदेह आढळला. घटनेची माहिती धाबा उपपोलीस स्टेशनला देण्यात आली. लागलीच पोलीस व इतर वन कर्मचाऱ्यासह गावकरी घटनास्थळी हजर झाले. मृतदेहाची पाहणी केली असता सदर मृत व्यक्ती सुधाकर शेडमाके वय ६५ वर्ष रा. गोजोली येथील असल्याचे समजून आले. घटनास्थळी पंचनामा करण्यात आला असून मृतकाचा मृतदेह गोंडपिपरी येथील ग्रामीण रुग्णालयात उत्तरणीय तपासणी करीता पाठविण्यात आले. पुढील तपास धाबा पोलीस करीत आहेत.
