अडसर ठरणाऱ्या पतीला पाठविले यमसदनी
तिन महिन्यानंतर झाला उलगडा
अशोक खंडारे संपादक वैनगंगा वार्ता
अनैतिक संबंधात अडसर ठरणाऱ्या पतीचा प्रियकराच्या मदतीने खून केल्याची धक्कादायक घटना तब्बल तीन महिन्यांनी शनिवारी उघडकीस आली.
मुलीच्या तक्रारीवरून पोलिसांनी महिलेसह प्रियकराला अटक केली असून रंजना श्याम रामटेके वय ( ५० ) गुरुदेवनगर ब्रह्मपुरी आणि मुकेश राजबहादूर त्रिवेदी वय ( ४८ ) पेठ वार्ड ब्रह्मपुरी अशी आरोपींची नावे आहेत.
शहरातील आंबेडकर चौकात आरोपी रंजना रामटेके यांचे जनरल स्टोअर्स चे दुकान आहे व शेजारीच मुकेश त्रिवेदी याचे भाजीपाला व बांगडीचे दुकान आहे. त्यामुळे त्रिवेदी याचे रंजनाच्या घरी नेहमी येणे - जाणे सुरू होते . फिर्यादी मुलीने दिलेल्या तक्रारीनुसार , तिचे शिक्षण बीएससीपर्यंत झाले असून नागपूर येथे एका मॉलमध्ये काम करत होती . ६ ऑगस्ट , २०२२ रोजी सकाळी तिच्या आईने फोन करून वडील हृदयविकाराच्या धक्क्याने मरण पावल्याचे सांगितले . त्यावेळी दोन्ही बहिणी नागपूर येथे होत्या . वडील वनविभागात क्लर्क पदावरून निवृत्त झाले होते. ६६ वय असल्याने हृदयविकाराने मृत्यू झाल्याचे सत्य मानून त्यांचा अंत्यविधी करण्यात आला . दोन्ही बहिणी परत नागपूरला गेल्या .
आई एकटीच राहत असल्याने लहान बहीण परत ब्रम्हपुरीला आली.
मोठी मुलगी नागपूरला होती . घटनेच्या काही महिने आधी लहान मुलीने तिचा मोबाइल आईला दिला . त्यात ती आपला सिम टाकून वापरत होती . वडील मरण पावल्यानंतर आईच्या मोबाइलमधील त्रिवेदी यांच्यासोबत ६ ऑगस्ट , २२ रोजी पहाटे २.१४ वाजता तब्बल १०.५७ मिनिटे बोलल्याची त्यात रेकॉर्डिंग आढळली . मुलीने ही रेकॉर्डिंग आपल्या मोबाइलमध्ये ट्रान्स्फर केली . त्यात वडिलांचे हात बांधले , विषारी द्रव्य पाजले आणि उशीने तोंड दाबले असा उल्लेख आहे . त्रिवेदी याने अंथरूण नीट करून सकाळी सर्वांना पती गेल्याचे सांग , असा सल्ला दिल्याचेही त्या संभाषणात आढळले यावरून मोठ्या मुलीने शनिवारी पोलिसात तक्रार दाखल केली . रेकॉर्डिंगमुळे खुनाचे सत्य तीन महिन्यांनी उघडकीस आले .
*मुलीने केली आईविरुद्ध पोलिसात तक्रार*
आर्डचे वागणे बदलल्याचे दोन्ही मुलींच्या लक्षात आले . आरोपी मुकेश त्रिवेदी याचे घरी येणे वाढले होते . त्यामुळे समाजात बदनामी होत असल्याने आईला व त्रिवेदीला मुलींनी समज दिली होती . आई एकटी राहात असल्याने , लहान मुलगी काही दिवसांत ब्रह्मपुरी येथे परत आली . त्यावेळी आईच्या मोबाइलमध्ये असलेल्या एका संभाषण ( रेकॉर्ड ) वरून आईनेच त्रिवेदी याच्याशी संगनमताने वडिलांचा खून केल्याचे समजताच , मुलीने शनिवारी दि .१२ ) पोलिसात तक्रार दाखल केली . पोलिसांनी रंजना रामटेके आणि मुकेश त्रिवेदी या दोघांना ताब्यात घेऊन कसून चौकशी केली असता , पती श्याम रामटेके यांचा खून केल्याचे सत्य बाहेर आले . पोलिसांनी रंजना रामटेके तिचा प्रियकर मुकेश त्रिवेदी यांच्याविरुद्ध भादंवि १२० ब , २०१ , ३०२ अन्वये गुन्हा दाखल करून अटक केली आहे .
