उद्या आष्टी येथे पहिले जिल्हास्तरीय आदिवासी साहित्य संमेलन
आष्टी (गडचिरोली) (अशोक खंडारे ): - मराठी भाषा विभाग, महाराष्ट्र शासन तसेच महाराष्ट्र राज्य साहित्य व संस्कृती मंडळाच्या अनुदानातून महात्मा ज्योतिबा फुले महाविद्यालय, आष्टी येथे २३ व २४ डिसेंबर रोजी पहिले गडचिरोली जिल्हा आदिवासी साहित्य संमेलन आयोजित करण्यात आले आहे. या ऐतिहासिक संमेलनाची पुर्णपणे तयारी झाली आहे.
संमेलनाच्या अध्यक्षपदी ज्येष्ठ साहित्यिक, राष्ट्रपती पुरस्कारप्राप्त विचारवंत व आदिवासी साहित्याचे
प्रवर्तक प्रा. डॉ. विनायक तुमराम ,संमेलनाचे उद्घाटन पद्मश्री डॉ. परशुराम खुणे, ज्येष्ठ समीक्षक डॉ. प्रमोद मुनघाटे,
या संमेलनास प्रमुख अतिथी आ. डॉ. मिलिंद नरोटे, माजी मंत्री तथा आमदार धर्मरावबाबा आत्राम, आ. रामदास मसराम, माजी मंत्री अंब्रीशराव आत्राम, माजी आमदार डॉ. नामदेव उसेंडी, प्राचार्य बनपूरकर, प्राचार्य डॉ. एस. एम. वारकड, साहित्यिक सुनील कुमरे, ज्येष्ठ साहित्यिक कुसुम अलाम, भाग्यश्री आत्राम, प्रदिप ढवळ, जयू भाटकर, पेंटारामा तलांडी, जिल्हाधिकारी अविशांत पंडा, शिक्षणाधिकारी वासुदेव भुसे, डॉ.सचिन मडावी,देवाजी तोफा, स्वागताध्यक्ष बबलूभैया हकीम, प्राचार्य डॉ. संजय फुलझले, प्रा . डॉ. राजकुमार मुसणे आदि मान्यवर उपस्थित राहणार आहेत
दोन दिवस चालणाऱ्या सम्मेलनामध्ये ग्रंथदिंडी ,पुस्तक प्रकाशन सोहळा, परिसंवाद, कविसंमेलन, आदिवासी कलाविष्कार, युवा कवी संमेलन, चर्चासत्र, आयोजित करण्यात आले आहेत
सदर सम्मेलनाला बहुसंख्य जनतेनी उपस्थित रहावे असे आवाहन आयोजक प्रा. डॉ.राजकुमार मुसणे यांनी केले आहे
