अशोक खंडारे मुख्य संपादक वैनगंगा वार्ता
मुंबई : मुंबईत रहाणाऱ्या एका कपडे व्यापाऱ्याच्या हत्येने खळबळ उडाल आहे धक्कादायक म्हणजे त्याच्या पत्नीनेच प्रियकराच्या मदतीने हत्येचा कट आखला होता असे चौकशी अंती दिसून येते आहे
पतीला मारण्याआधी तीने सासूला संपवलं. कोणालाही संशय येणार नाही, अशा पद्धतीने तीने हे सर्व प्लानिंग केलं होतं. इतका सुनियोजित कट पाहून पोलिसही हैराण झाले. या व्यापाऱ्याचा मृत्यू नैसर्गिकरित्या (Nature Death) झाल्याचं त्याच्या कुटुंबियांना वाटत होतं. पण हे प्रकरण तितकंस साधंसरळ नव्हतं. यामागे एक भयानक कटकारस्थान रचलं गेलं होतं. त्या व्यावसायिकाचा मृत्यू नाही तर हत्या (Murder) करण्यात आली होती. तब्बल सात महिने ती हा कट रचत होती.24 ऑगस्ट 2022, सांताक्रूझ,
मुंबईतील कपडे व्यावसायिक कमलकांत शाह (Kamalkant Shah Murder Case) यांच्या पोटात अचानक दुखायला लागलं. घरच्यांना आधी हा साधी पोटदुखी असल्याचं वाटलं आणि त्याला डॉक्टरांकडे नेण्यात आलं. डॉक्टरांनी तपासून त्याला काही औषधं दिली आणि घरी आराम करण्याचा सल्ला दिला. पण यानंतरही कमलकांत यांच्या तब्येतीत सुधारणा झाली नाही.19 सप्टेंबर 2022 या दरम्यान साधारण वीस-पंचवीस दिवस निघून गेले. कमलकांत यांची तब्येत खालावतच होती. अखेर त्यांना रुग्णालयात दाखल करण्यात आलं. पण 19 सप्टेंबरला कमलकांत यांचे एकएक अवयव निकामी ( Multi Organ Failure) झाले आणि त्यातच त्यांचा मृत्यू झाला.वैद्यकीय अहवालात धक्कादायक माहिती कमलकांत यांच्या मृत्यूपूर्वी अनेक चाचण्या करण्यात आल्या होत्या, पण त्यातून काहीही निष्पन्न झालं नव्हतं. पण मृत्यूनंतर केलेल्या रक्ताच्या चाचणीत जी माहिती समोर आली ती संपूर्ण कुटुंबाला आणि डॉक्टरांनाही हादरवणारी होती. कमलकांत यांच्या रक्तात धातूचं प्रमाण जास्त होतं. जे माणसाच्या शरीराला घातक ठरू शकतं. कमलकांत यांच्या शरीरात आर्सेनिक (Arsenic) आणि थॅलियमचं (Thallium) मिश्रन आढळलं. आर्सेनिकचं प्रमाण
400 टक्के जास्त तर थॅलियमचं प्रमाण 365 टक्के जास्त होतं. यामुळे कमलकांत यांच्या मृत्यूद्दल संशय निर्माण झाला. कमलकांत यांच्या कुटुंबियांनी पोलिसात तक्रार दाखल केली.कमलकांत यांच्या आईच्या मृत्यूवरही प्रश्न कमलकांत यांच्या मृत्यूआधी त्यांच्या आईचाही असाच संशयास्पद मृत्यू झाला होता. 13 ऑगस्ट 2022 ला त्यांचा मुंबईतल्या एका मोठ्या रुग्णालयात त्यांचा मृत्यू झाला. कमलकांत यांच्या आईच्या मृत्यूचं कारणही मल्टि ऑर्गन फेल्यूअर हेच होतं.कमलकांत यांच्या बहिणीचा धक्कादायक खुलासा
कमलकांत आणि त्यांच्या आईच्या मृत्यूमागे काहीतरी काळंबेरं असल्याचा संशय पोलिसांना आला आणि त्यांनी तपास सुरु केला. पोलिसांनी कमलकांत यांची पत्नी काजल आणि संपूर्ण कुटुंबियांची चौकशी केली. तपासादरम्यान पोलिसांना महत्त्वाची माहिती हाती लागली. कमलकांत यांची बहिण कविताने दिलेल्या माहितीनुसार कमलकांत जेव्हा रुग्णालयात दाखल
होते, त्यावेळी त्यांची पत्नी काजल त्यांच्या बँक अकाऊंटबद्दल माहिती गोळा करण्याचा प्रयत्न करत
असल्याचं तीने पोलिसांना सांगितलं. इतकंच नाही तर कमलकांत यांच्या मृत्यूनंतर काजलने त्यांच्या लाईफ इंशुरन्स पॉलिसीबद्दलही (InsurancePolicy) माहिती काढली होती. म्हणून ती शंभराच्या भोवऱ्यात सापडलई
